- 專輯介紹
- 歌詞
- 專輯列表
- 歌手介紹
蘇明淵
-
最後一條歌
作詞:蘇明淵 作曲:蘇明淵
這是(我唱)最後一條歌 唱予你聽 愈唱愈捶心肝 明仔載你就是別人的囝 原諒我狼毒狠心 害你出世就無阿爸 為著你將來的幸福 只好甲你送予別人晟 海海人生這條路 崎崎嶇嶇 強欲泅未到岸 原諒我停跤 甲你放捒 毋敢斡頭看 哭出聲 我的名是你的運命 滿腹的歹勢 放我袂得過 目屎流佮颺颺飛
------------------------------------------
9694/《最後一條歌》Tsuè-āu Tsi̍t-tiâu Kua 蘇明淵Soo Bîng-ian 韓淑英Hân Siok-ing
這是最後一條歌 tse sī tsuè-āu tsi̍t-tiâu kua 唱予你聽 tshiùnn hōo lí thiann 愈唱愈捶心肝 jú tshiùnn jú tuî-sim-kuann 明仔載你就是別人的囝 bîn-á-tsài lí tiō-sī pa̍t-lâng ê kiánn
原諒我狼毒雄心 guân-liōng guá lông-to̍k hiông-sim 害你出世就無阿爸 hāi lí tshut-sì tiō bô a-pah 為著你將來的幸福 uī-tio̍h lí tsiong-lâi ê hīng-hok 只好共你送予別人晟 tsí-hó kā lí sàng hōo pa̍t-lâng tshiânn
海海人生這條路 hái-hái jîn-sing tsit tiâu lōo 敧敧欹欹 khi-khi-khia-khia 強欲泅袂到岸 kiōng-beh siû bē-kàu huānn 原諒我停跤 guân-liōng guá thîng-kha 共你放捒 kā lí pàng-sak
毋敢越頭看 m̄-kánn ua̍t-thâu khuànn 哭出聲 khàu tshut-siann 我的名 guá ê miâ 是你的運命 sī lí ê ūn-miā 滿腹的歹勢 muá-pak ê pháinn-sè 放我袂得過 更多更詳盡歌詞 在 ※ Mojim.com 魔鏡歌詞網 pàng guá bē-tit kuè 目屎流甲颺颺飛 ba̍k-sái lâu kah iānn-iānn-pue
我唱最後一條歌 guá tshiùnn tsuè-āu tsi̍t-tiâu kua 予你聽 hōo lí thiann 愈唱愈捶心肝 jú tshiùnn jú tuî-sim-kuann 明仔載你就是別人的囝 bîn-á-tsài lí tiō-sī pa̍t-lâng ê kiánn
原諒我狼毒雄心 guân-liōng guá lông-to̍k hiông-sim 害你出世就無阿爸 hāi lí tshut-sì tiō bô a-pah 為著你將來的幸福 uī-tio̍h lí tsiong-lâi ê hīng-hok 只好共你送予別人晟 tsí-hó kā lí sàng hōo pa̍t-lâng tshiânn
海海人生這條路 hái-hái jîn-sing tsit tiâu lōo 敧敧欹欹 khi-khi-khia-khia 強欲泅袂到岸 kiōng-beh siû bē-kàu huānn 原諒我停跤 guân-liōng guá thîng-kha 共你放捒 kā lí pàng-sak
毋敢越頭看 m̄-kánn ua̍t-thâu khuànn 哭出聲 khàu tshut-siann 我的名 guá ê miâ 是你的運命 sī lí ê ūn-miā 滿腹的歹勢 muá-pak ê pháinn-sè 放我袂得過 pàng guá bē-tit kuè 目屎流甲颺颺飛 ba̍k-sái lâu kah iānn-iānn-pue
我毋敢越頭看 guá m̄-kánn ua̍t-thâu khuànn 哭出聲 khàu tshut-siann 我的名 guá ê miâ 是你的運命 sī lí ê ūn-miā 滿腹的歹勢 muá-pak ê pháinn-sè 放我袂得過 pàng guá bē-tit kuè 目屎流甲颺颺飛 ba̍k-sái lâu kah iānn-iānn-pue
- 感謝 W.B. Chen 修正歌詞
- 友站連結: W.B. Chen
|