- 專輯介紹
- 歌詞
- 專輯列表
海島青年實驗室
-
引路人(吳子齊)
作詞:吳子齊 作曲:吳子齊、陳君祺
山 海 生份的所在 風 雨 恁對佗位來 日 月 交替了幾擺 你 我 敢有熟似
一間窯房 看見蒙正的慧眼 (親像火焰) 一寡什細 陪著連生中狀元 (一生圓滿) 兩隻蝴蝶 飛過墓埕的怨嘆 (佇天頂相等) 偌濟時間 戲弄五娘佮陳三 (予故事流傳)
我偷偷仔共你講 已經烌去的過往 (敢若捌聽過的聲 血脈攏藏佇遐 鉸袂斷的線 繼續彈) 我偷偷仔共你講 傷過虛華的理想 (敢若捌看過的影 靈魂攏寄佇遐 裂袂碎的紙 繼續寫) 我偷偷仔共你講 親像雺霧的故鄉 (敢若捌唱過的歌 基因攏藏佇遐 緣分拍的結 繼續扞) 我偷偷仔共你講 猶未完成的願望 (敢若捌算過的卦 生死攏寄佇遐 命運這齣戲 繼續搬)
------------------------------------------
22648/《引路人》Ín-lōo-lâng 海島青年實驗室樂團Hái-tó Tshing-liân Si̍t-giām-sik Ga̍k-thuân 吳子齊Ngôo Tsú-tsê
山海 suann hái 生份的所在 tshenn-hūn ê sóo-tsāi 風雨 hong hōo 恁對佗位來 lín uì tó-uī lâi 日月 ji̍t gua̍t 交替了幾擺 kau-thè liáu kuí-pái 你我 lí guá 敢有熟似 kám ū si̍k-sāi
一間窯房 tsi̍t-king iô-pâng 看見蒙正的慧眼 khuànn-kìnn Bông-tsìng ê huē-gán 親像火焰 tshin-tshiūnn hué-iām 一寡雜細 tsi̍t-kuá tsa̍p-sè 陪著連生中狀元 puê tio̍h liân-sing tiòng tsiōng-guân 一生圓滿 it-sing uân-buán 兩隻蝴蝶 nn̄g-tsiah ôo-tia̍p 更多更詳盡歌詞 在 ※ Mojim.com 魔鏡歌詞網 飛過墓埕的怨嘆 pue kuè bōng-tiânn ê uàn-thàn 佇天頂相等 tī thinn-tíng sio tán 偌濟時間 guā-tsē sî-kan 戲弄五娘佮陳三 hì-lāng Gōo-niû kah Tân Sann 予故事流傳 hōo kòo-sū liû-thuân
我偷偷仔共你講 guá thau-thau-á kā lí kóng 已經烌去的過往 í-king hu--khì ê kuè-óng 敢若捌聽過的聲 kánn-ná bat thiann--kuè ê siann 血脈攏藏佇遐 hueh-me̍h lóng tshàng tī hia 鉸袂斷的線 ka buē tn̄g ê suànn 繼續彈 kè-sio̍k tuânn
我偷偷仔共你講 guá thau-thau-á kā lí kóng 傷過虛華的理想 siunn-kuè hi-hua ê lí-sióng 敢若捌看過的影 kánn-ná bat khuànn--kuè ê iánn 靈魂攏寄佇遐 lîng-hûn lóng kià tī hia 裂袂碎的紙 liah buē tshuì ê tsuá 繼續寫 kè-sio̍k siá
我偷偷仔共你講 guá thau-thau-á kā lí kóng 親像雺霧的故鄉 tshin-tshiūnn bông-bū ê kòo-hiong 敢若捌唱過的歌 kánn-ná bat tshiùnn--kuè ê kua 基因攏藏佇遐 ki-in lóng tshàng tī hia 緣份拍的結 iân-hūn phah ê kat 繼續扞 kè-sio̍k huānn
我偷偷仔共你講 guá thau-thau-á kā lí kóng 猶未完成的願望 iáu-buē uân-sîng ê guān-bōng 敢若捌算過的卦 kánn-ná bat sǹg--kuè ê kuà 生死攏寄佇遐 sinn-sí lóng kià tī hia 命運這齣戲 miā-ūn tsit tshut hì 繼續搬 kè-sio̍k puann
- 感謝 W.B. Chen 修正歌詞
- 友站連結: W.B. Chen
|